موکریان ــ کۆڵبەرێک بەهۆی تەقینەوەی مین لە ناوچە سنوورییەکانی نەوسوود قاچێکی لە دەستدا. به پێی راپۆرتی گەیشتوو بە ئاژانسی هەواڵدەریی موکریان، رۆژی یەکشەممە رێکەوتی ١١ی خەزەڵوەر، کۆڵبەرێک بە ناوی لوقمان رەحیمی بەهۆی تەقینەوەی مینە بەجێماوەکانی سەردەمی شەڕی ئێران و عێراق لە ناوچەی سنووری شووشمێی سەر بە شاری نەوسودد لە پارێزگای کرماشان بە سەختی برینداربوو. هەر بە پێی ئەم هەواڵە ناوبراو خەڵکی ئاوایی بانەورەی سەر بە شاری پاوەیە و بۆ چارەسەری پزیشکی بۆ ناوەندێکی دەرمانی ئەم شارە راگوێزراوە.
