موکریان ــ دوو کرێکار لە ورمێ بە هۆی رووداوی کار گیانیان لەدەسدا. به پێی هەواڵی سەرچاوە خۆجێیەکان، له ئه‌نجامی ڕووداوێكی شوێنی كار له ورمێ، دوو كرێكاری بیناسازی تەمەن ٢٥ و ٣٤ ساڵ له‌كاتی كار له بینایه‌كی نیوه‌كاره له‌م شاره، به‌هۆی ڕه‌چاو نه‌كرانی ئیمه‌نی شوێنی كار تووشی ڕووداو بوون و گیانیان له‌ده‌ستدا. جێگەی باسە ئەم دوو کرێکارە له‌كاتی كار له بینایه‌كی هه‌شت نهۆم له شه‌قامی “ته‌یموری” ورمێ، به‌هۆی به‌ربوونه‌وه بۆ ناو چاڵێكی ئاسانسۆر به سه‌ختی برینداربوون و پاش ڕاگوێزرانیان بۆ نه‌خۆشخانه‌ن به‌هۆی سه‌ختی برینه‌كانیان گیانیان له‌ده‌ستداوه.
