موکریان - کۆڵبەرێک بەهۆی سەرمایەوە لە کوێستانەکانی پارێزگای ورمێ گیانی لەدەستدا. بەگوێرەی ئەو ڕاپۆرتانەی کە به دەستی ئاژانسی موکریان گەیشتوە، ڕۆژی سێشەممە ١٢ی ڕەشەمە لە بەرزاییەکانی سەر سنووری چاڵدران لە باکوری پارێزگای ورمێ کۆڵبەرێک بە ناوی "ئیبراهیم پورمحەمەدی" 27 ساڵ، بە هۆی سەرمایەوە گیانی لەدەستدا. پێویستە ئاماژە بکرێت کە ناوبراو باوکی دوو منداڵە و دانیشتوی گوندی «قەرەجوران»ی سەربە شاری چاڵدرانە.
