تووشبوونی ژمارەیەکی زۆر لە دانیشتووانی دوو گەڕەکی شاری سەقز بە نەخۆشییەکی نامۆ

موکریان ــ کۆمەڵێک لە خەڵکانی دوو گەڕەکی سەقز تووشی نەخۆشییەکی نامۆ بوون.

به گوێرەی راپۆرتی گەیشتوو بە ئاژانسی هەواڵدەریی موکریان، ماوەی چە رۆژە نەخۆشییەک لە گەڕەکەکانی قەوخ و شارەکی دانشگای شاری سەقز بڵاوبووەتەوە کە دانیشتووانی ئەم گەڕەکانه هۆکارەکەی بۆ پیس بوونی ئاوی خواردنەوە دەگەڕێننەوە بەڵام ناوەندی تەندروستیی ئەم شارە رایگەیاندووە هۆکاری نەخۆشییەکە ئاوی خواردنەوەی شارەکە نییە و نەخۆشییەکە ڤایرۆسییە.

هەر بە پێی ئەم هەواڵە هاووڵاتییانی ئەو دوو گەڕەکە لە شاری سەقز تووشی سکچوون و رشانەوە بوون و سەردانی ناوەندە دەرمانییەکانیان کردووە.

جێگەی باسە دانیشتووانی ئەو گەڕەکانە گتوویانە: ئەگەری هەیە ئاوی پیسی ئاوەڕۆ تێکەڵ بە ئاوی خواردنەوە بووبێت و نیشانەکانی نەخۆشییەکەش لە زۆر خێزاندا دەرکەوتووە و خوازیاری ئەوەن بە زووترین کات لایەنە پەیوەندیدارەکان ئەم کێشەیە چارەسەر بکەن.

شاهو امینی / سردبیر تلویزیون موکریان

توسط Shahou

خبرنگار، سردبیر تلویزیون موکریان و عضو فدراسیون بین المللی روزنامەنگاران (IFJ)

دیدگاهی بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *